Ek het vir Tanya by die werk ontmoet. Ons was saam op “training”; dis waar ons mekaar die eerste keer gesien het.

En toe kom dié pop in wat so opgedollie is dat jy haar deur ‘n ring kan trek… Maar die meisies se gesprekke gaan oor hierdie is goed genoeg en daai is nie goed genoeg nie en sy is bietjie maar van ‘n “stuck up” pop, jy weet? Daai van jy weet jy moet ‘n iPhone hê of jy moet ‘n dit hê of ‘n dat hê. Ja, toe het dit maar toe nou so aangegaan en ek het haar nie veel aandag gegee nie. Net opgelet sy’s baie mooi.

En toe is ek en sy later weer in “training” en gelukkig, tot my voordeel, is dit toe “training” oor die goed wat ek reeds baie goed ken…en ek het baie goed gelyk.

Ek en Tanya is toe in dieselfde span en ons het begin gesels oor die “training” en sy was nuuskierig oor ‘n paar goed gewees en ek het haar gehelp en ons het eintlik heel goed oor die weg gekom.

Toe ek en my eks uit is, was ek ‘n bietjie “down” by die werk.

Sy het eendag daar verbygeloop, want hulle span het nader geskuif aan ons kantoortjie. Toe sy sien ek is af, nooi sy my: “Kom ons kry ‘n koffie en gesels op die dak”. Ek is toe nogal heel “impressed” met die “girl” wat met ‘n “total stranger” oor sy “sad”,patetiese “love life” praat.

En toe het ek so een of twee keer by haar huis gekuier.

Ek het eers haar kollegas gevra dat ons almal saam uitgaan.

Ek het ‘n Whatsapp-groep gemaak. Ek “moes” toe natuurlik by hulle hoor wat haar nommer is. Net om, jy weet, ‘n bietjie “sneaky” te wees.

Ons het toe almal lekker gekuier by Hooters die aand.

Tot eendag, toe hy vir twee weke (vir werk) moes landuit. Hy het my by die werk kom groet. In ‘n baie verlate “meeting room” het hy my ‘n soen gegee wat ek nooit, ooit, sal vergeet nie.

Vir ons eerste “date” het ek haar Kong, in Cedar Square, toe gevat en toe omdat sy so bietjie van ‘n “wine-aholic” was, het ek vir ons ‘n Rupert & Roth Child klassieke wyn bestel. Die wyn was nie baie lekker vir my nie, maar ek dink sy het dit geniet.

Ons het daarna gaan fliek, maar nie een van ons kan onthou watter fliek ons gekyk het nie.

(Die skrywer wonder hoekom Tanya en Marnus nie kan onthou watter fliek hulle gekyk het nie. Het hulle miskien beter dinge gehad om te doen?)

En ja, toe van daar af…”the rest is history as they say”

Dié avonture het vir vier jaar aangehou tot hy op ‘n baie mistige dag in November (11 November 2017 om presies te wees) my op ‘n piekniek in Kaapsehoop gevat het en my daar tussen die mooi klippe en wilde perde gevra het om sy vroutjie te word.